Ауыл шаруашылығы, Ұлттық экономика, сауда министрлері, сондай-ақ Ұлттық банк басшылығы инфляцияны бақылау және төмендету жөніндегі шаралар кешенінің іске асырылу барысы туралы баяндады, делінген primeminister.kz сайтының хабарламасында.
Сұлтанов мемлекеттік органдарға мақсатты инфляция дәлізін ұстап тұру және негізгі әлеуметтік маңызды тауарлар бағасының өсуіне жол бермеу үшін шаралар қабылдауды тапсырды.
Ауыл шаруашылығы министрлігіне ауыл шаруашылығы өнімдері өндірісінің көлемін арттыру бойынша жұмысты арттыру, сондай-ақ әлеуметтік маңызы бар азық-түлік тауарларының бағаларын болжау алгоритмін әзірлеуді жеделдету тапсырылды.