Смайылов Қонаев қаласында Алматы облысы мәслихат депутаттарының жиналысына қатысты

Сенбі, 11 маусымда, Мемлекет басшысының тапсырмасы бойынша ҚР Премьер-министрі Әлихан Смайылов Қонаев қаласына барып, Алматы облысының барлық деңгейдегі мәслихат депутаттарының жиналысына қатысты, деп хабарлайды Zakon.kz.

Әлихан Смайылов депутаттарға ҚР Президентінің Алматы облысының әкімі лауазымына Батыржан Байжұманов пен Марат Сұлтанғазиевтің кандидатураларын қарауға енгізу туралы хатын оқып берді.

Сурет: Telegram/Қазақстан Үкіметі

Ашық дауыс беру нәтижесі бойынша 188 депутаттың 129-ы Марат Сұлтанғазиевтің кандидатурасына, 59 депутат Батыржан Байжұмановқа дауыс берді.

Сурет: Telegram/Қазақстан Үкіметі