Облыс әкімдіктерінің мәліметінше, жалпы астық жинаудың болжамды көлемі 18,3 млн тонна деңгейінде болжанды. Оның ішінде 13,4 млн тоннадан астамы - бидай.
Республикада 1 тамыздағы жағдай бойынша 3,1 млн тонна астықтың өткізу балансы бар, оның ішінде бидай – 2,5 млн тонна.Ауыл шаруашылығы вице-министрі Әбілқайыр Тамабек
Оның айтуынша, жалпы астық жинаудың күтілетін көлемі өткізу баланстарын ескере отырып, республиканың ішкі қажеттілігін толық қанағаттандыруға, сонымен қатар астықтың белгілі бір көлемін экспортқа сатуға, тиісінше дәстүрлі нарықтағы сауданы қолдауға жеткілікті.
Биылдың қолайлы жағдайлары егін жинау науқанын уақтылы бастауға мүмкіндік берді және бүгінде республика бойынша барлығы 9,2 миллион гектар дәнді және бұршақ дақылдары немесе астықтың 57,8%-ы жиналды. Орташа өнімділік 12,0 ц/га болса, 11,2 млн тонна астық бастырылды.Әбілқайыр Тамабек
Әбілқайыр Тамабек биыл ауыл шаруашылығы дақылдарының жалпы егілген алқабы 23,4 миллион гектар болғанын атап өтті. Оның ішінде астық жинау алаңы - 16,1 миллион гектар.
Республиканың барлық өңірінде жаппай егін жинау науқаны басталды. Республикада егін жинауға арналған 147,7 мың трактор, 38,1 мың астық жинайтын комбайн, 13,3 мың астық жинайтын машина, 73,4 мың трактор тіркемесі бар. Егін дер кезінде жинау үшін шаруаларға 423,5 мың тонна жеңілдетілген дизель отыны бөлінді.Әбілқайыр Тамабек
Операторлардың шығынын есепке алғанда дизель отынының орташа бағасы шаруалар үшін 203 теңге/литр, бұл нарық бағасынан 15-20% арзан.
27 тамызда Ауыл шаруашылығы министрі Ербол Қарашүкеев сыртқы сауда саясаты жөніндегі ведомствоаралық комиссияға бидай мен ұн экспортына шектеу шараларын алып тастау мүмкіндігі туралы ұсыныс енгізетінін айтты.
30 қыркүйекке дейін Қазақстанда астық экспортына – 550 мың тоннадан және ұнға – 370 мың тоннадан аспайтын квоталар бар.
