Медициналық сақтандыру жүйесінен бас тарту - кері кету болады! ҚР Денсаулық сақтау министрі Ажар Ғиният
Оның айтуынша, МӘМС жүйесі енгізілгеннен кейін былтыр денсаулық сақтау жүйесіне қосымша 0,5 трлн теңге, биыл 800 млрд теңге келіп түсті.
Бұл - қосымша жаңа технологиялар, қызметтердің аясын кеңейту, құрылғылар сатып алу, денсаулық сақтау саласына инвестиция салу, халықтың тұрмысы мен денсаулығын нығайту сияқты игі істер. Бұлардан қалай бас тарта аламыз? Сондықтан біздің міндет – МӘМС жүйесін жетілдіріп, оны барынша тартымды ету, оған басқа мемлекеттік органдармен және әкімдіктермен бірлесіп, медициналық сақтандырумен қамтылмағандарды тарту. Ажар Ғиният
Министр МӘМС жүйесіне енбей қалғандар бүгінгі таңда өз-өзін жұмыспен қамтушылар және жұмыс істемейтін немесе кедейлік жағдайындағы адамдар болуы мүмкін деп болжады.
Бұл мәселелерді басқа мемлекеттік органдар мен әкімдіктер анықтап, медициналық көмектің қолжетімділігін қамтамасыз етуі тиіс. Егер адам қандай да бір себептермен жүйеге тіркелмеген болса, онда оны мемлекеттік бюджет аясында есепке алуға болады, алда мұндай жұмыс жүргізіледі. ҚР ДСМ басшысы
Мемлекет басшысы Қасым-Жомарт Тоқаев МӘМС жүйесі тиімсіз болып шыққанын айтты. Оның айтуынша, шамамен 3 млн адам медициналық сақтандырудан тыс қалған.
