Әлихан Смайылов жыл басынан бері экономиканың өсімі былтырғы сәйкес кезеңмен салыстырғанда 3,1% болғанын айтты. Экономикалық өсудің негізгі драйверлері өңдеу өнеркәсібі, машина жасау, соның ішінде автомобиль өнеркәсібі және локомотивтер мен теміржол вагондарын қоса алғанда, басқа көлік құралдарын өндіру болды.
Өңдеу секторындағы жоғары серпінді химия өнеркәсібі – 12%, жеңіл өнеркәсіп – 7,5%, металлургия – 5%-дан астам және мұнай өңдеу – 4% сияқты салалар көрсетті. Тау-кен өнеркәсібінде көмір өндірудің 2,2%, табиғи газдың 3% және кен өндірудің 5%-дан астам артуы есебінен өсім байқалды. Құрылыс секторында 7,5% жоғары өсу қарқыны қамтамасыз етіліп, 8,8 млн шаршы метр тұрғын үй пайдалануға берілді. Ауыл шаруашылығында 4,3% тұрақты өсу қарқыны байқалады.ҚР премьер-министрі Әлихан Смайылов
Смайыловтың айтуынша, тамыз айының соңына қарай елде жылдық инфляцияның 16% өсуінің теріс үрдісі байқалады.
Облыс әкімдіктері мемлекеттік органдармен бірлесе отырып, әлеуметтік маңызы бар азық-түлік тауарларының бағасын тұрақтандыру, азық-түлік өндірісін ынталандыру және ішкі нарықты олармен толтыру жұмысын күшейтуі қажет.Әлихан Смайылов
