Америкалық McDonald's брендінің кетуі және оның орнына "Вкусно и Точка" компаниясының Қазақстанда тіркелу жөнінде өтініш беруі туралы ақпаратқа түсініктеме бере отырып, ресми өкіл бұл нарықтағы мәселе екенін атап өтті.
"Қоғамдық тамақтандыру мәселелері Сыртқы істер министрлігінің құзырына жатпайды. Мен ештеңе айта алмаймын. Қалай болғанда да, қай компания келсе де, бәсекелестік, нарық бар. Бұл – нарық. Ол өзін-өзі реттейді: біреу келеді, біреу кетеді".Айбек Смадияров
СІМ өкілі "McDonald's-тың кетуі Қазақстанның имиджіне нұқсан келтірді ме?" деген журналистер тарапынан қойылған сұраққа да жауап беріп өтті.
"Еш нұқсан келтірген жоқ". Айбек Смадияров
2023 жылғы 5 қаңтарда McDonald's Қазақстандағы жұмысын тоқтатты.
Арада екі апта өтпей жатып "Вкусно и Точка" желісі ҚР Әділет министрлігіне тіркелу туралы өтініш жібергені белгілі болды.
