Кездесуде тараптар екі елдің сауда-экономикалық қатынастарының жоғары деңгейде екенін атап өтті. Серік Жұманғариннің айтуынша, Ұлыбритания – Қазақстанның маңызды стратегиялық серіктестерінің бірі. 30 жылдық табысты және тиімді дипломатиялық қатынастар – мұның айқын дәлелі, делінген Үкіметтің баспасөз қызметінің хабарламасында.
"Ұзақ жылдар бойы ынтымақтастығымыз нығайып, тығыз және сенімді қарым-қатынастар орнады. Біз Сыртқы ішкі саяси ведомстволар басшылары деңгейіндегі стратегиялық диалогты, Сауда-экономикалық ынтымақтастық жөніндегі үкіметаралық комиссияны, Ұлыбритания Парламентіндегі Қазақстан бойынша барлық партиялық парламенттік топты, сондай-ақ Іскерлік кеңесті қоса алғанда, екіжақты әріптестіктің тиімді тетіктерін құрдық".Серік Жұманғарин
Тараптар Қазақстан мен Ұлыбритания арасындағы, әсіресе қазіргі геосаяси жағдайдағы екіжақты сауданың басымдықтарын талқылады. Серік Жұманғарин Біріккен Корольдіктің Қазақстанның үздік 10 инвесторы қатарына кіретінін атап өтті. 2005 жылдан бастап Қазақстанға Ұлыбританиядан шамамен $16,4 млрд тікелей инвестиция тартылды.
"Біз британдық компанияларға Қазақстанға инвестиция салу туралы шешім қабылдау кезінде қолайлы жағдайлар мен тиісті инфрақұрылымды ұсынуға дайынбыз. Қазақстан Үкіметі Ұлыбританиямен барлық бағыттар бойынша өзара тиімді ынтымақтастықты тереңдетуге және нығайтуға ниетті", — деді Серік Жұманғарин.
Өз тарапынан баронесса Николсон екі елдің сауда саласындағы серіктестік қатынастарының деңгейі жоғары екенін атап өтіп, Ұлыбританияның өзара тиімді әріптестікті одан әрі нығайтуға дайы екенін айтты.
Қазақстан мен Ұлыбритания арасындағы тауар айналымы 2022 жылы 58,7%-ға өсіп, $1,8 млрд-қа жетті (2021 жылы – $1,2 млрд). Экспорт 71,1%-ға өсіп, $1,5 млрд-ты құрады. ($855,1 млн-нан $1 462,9 млн-ға дейін негізінен мұнай, мыс және мыс, өңделмеген алюминий, ферроқорытпа, этил спирті, мұнай өнімдері және т. б. катодтарды жеткізудің өсуі есебінен). Импорттың 24,4%-ға өсіп, ол $380 млн-ды құрайды.
