Қаржы министрі биыл неліктен салық аз жиналғандығын түсіндірді

Налоги, пошлины, калькулятор, коммунальные услуги, квитанция, расчёт , сурет - Zakon.kz жаңалық 15.10.2024 15:51

Фото: pexels

ҚР Қаржы министрі Мәди Тақиев 2024 жылғы 15 қазандағы Үкімет отырысында бюджетке түсетін салық түсімдеріне әсер еткен бірқатар себептерді атап өтті, деп хабарлайды Zakon.kz.

Такиев мәліметінше, биылғы 9 айдың қорытындысы бойынша мемлекеттік бюджетке 14,9 трлн теңге түсті.

"Жоспардың орындалмауы салықтар бойынша түсімдердің 76% -ға төмендеуімен байланысты. Мен кірістер бойынша жоспарлы көрсеткіштерге қол жеткізбеуге әсер еткен негізгі факторларды атап өтсем. Біріншісі, мұнай өндіру көлемін 5,3 млн тоннаға қысқартып, 90,1 млн тоннаны құрауы. Екінші-әлемдік экономиканың баяулауы мен геосаяси жағдай сыртқы сауда қызметіне және елдің ірі компанияларының жеткізу тізбегінің үзілуіне әсер етті", — деді ол.

Министрдің мәліметінше, осы жылдың сегіз айында импорт 8,3%-ға, оның ішінде ҚХР-мен — 6,5%-ға, ЕАЭО елдерімен — 4%-ға төмендеген.

Сонымен қатар, негізгі экспорттық металдар бағасының төмендеу үрдісі сақталуда. Нәтижесінде түсімдер қарқынының төмендеуі өңдеу өнеркәсібі салаларында – 34%-ға, тау-кен өндіру өнеркәсібінде — 6%-ға және ақпарат және байланыс саласында шамамен 36%-ға тіркелді.

Тағы бір себеп — осы жылдың тоғыз айында ҚҚС қайтарымының өткен жылдың сәйкес кезеңімен салыстырғанда үш еседен астам өсуі.

"2023 жылға 594 млрд теңге сомасында қарыздар қайтарылды. Бұл өз кезегінде бизнесті айналым қаражатымен қамтамасыз етті және елеулі қолдау болып табылады", – деп атап өтті Қаржы министрлігінің басшысы.

Бұған дейін Олжас Бектенов экономиканың өсуі мұнайдан тыс секторлардың есебінен қамтамасыз етілгендігін айтты.

Оқи отырыңыз