Демалыс күндеріне арналған валюта бағамдары

Қазақстан қор биржасындағы (KASE) кешкі сауданың қорытындысына сәйкес, 15:30-дағы жағдай бойынша доллардың орташа сараланған бағамы 0,51 теңгеге төмендеп, 448,16 теңге болды, деп хабарлайды Zakon.kz.

Ресей рублінің орташа сараланған бағамы 5,55 теңге (+0,01) болды.

Қытай юанінің орташа сараланған бағамы 63,09 теңгеге (+0,07) дейін көтерілді.

Кешкі сауданың қорытындысы бойынша еуро бағамы да көтеріліп, 482,32 теңге (+2,20) болды.

Ақша айырбастау орындарында доллар – 446-449,5 теңге, еуро – 482,5-486,5 теңге, ресей рублі – 5,41-5,65 теңге аралығында сатылып жатыр.