Жаңалықтар тізбегі
0

"Дерексіз салынған ой қауіпті". Мамандар желіде психолог-сымақтардың қаптап кетуіне алаңдаулы

Психолог, мамандар, әлеуметтік желі Сурет: pixabay
Бұл тек Қазақстан емес, көптеген елде белең алған теріс құбылыс. "PlusCare" виртуалды денсаулық сақтау платформасы TikTok-та жарияланған 500 бейнероликке сараптама жасап, оның 84 пайызы адамды шатастыратынын, тіпті қауіпті екенін анықтады, деп хабарлайды Zakon.kz.

"Отбасылық жанжалдан арылтамын", "өміріңді өзгертемін", "табысыңды көбейтемін". Қазір әлеуметтік желіде осындай жарнамадан көз сүрінеді. Бірақ, кәсіби психологтар олардың барлығы білікті маман емес екенін ескертеді. Ресми емес дерекке сүйенсек, қазір 10 адамның 4-і тұрақты түрде психологқа жүгінеді. Тағдырымен бөліседі, кеңес сұрайды, осылайша тығырықтан шығар жол іздейді. Қыруар қаражатын да салады. Таңдау өзіңізде, алайда, маман таңдарда мұқият болғаныңыз жөн, деп хабарлайды qazaqstan.tv.

Шымкенттік ментор Перизат Қақарбайқызының психология бағытында жоғарғы білімі жоқ. Дегенмен оның қызметіне сұраныс көп екенін жасырмайды.

"Бірінші бастағаныма 6 жыл болды. Өзімнің басымдағы проблемаларыммен келдім. Отбасындағы жағдай бойынша. Соның шешімін іздеп әр жерге барып, мен қазір менторлықпен айналысып жатырмын. Біз тікелей миға "кіреміз" де, табыстың көбеймеуіне не себеп екенін табамыз да, трансформация жасаймыз", - дейді ол.

Алайда кәсіби психологтар дипломы жоқ мұндай мамандар жұмысына қарсы. Шолпан Әбілованың пікірінше, дерексіз салынған ой қауіпті.

"Ментор ретінде 50 адамға онлайн сабақ беруі мүмкін, бірақ адам әртүрлі болған соң толыққанды жетпейді, жеткеннің өзінде дұрыс арнаға түспеуі мүмкін. Санаға салған ой жағынан қауіпті. Мысалы адам өзі қиналып, жаны ауырып тұрған кезде нақты бір дерексіз ой салынатын болса ол қауіпті болады". Психолог Шолпан Әбілова

Қоғам белсендісі Мұрат Батай жалпы психологқа жүгінуді құп көрмейді. Оның ойынша, қазір бұл саланы тек табыс көзі үшін пайдаланатындар көп.

"Кез келген адамның басына түскен қиыншылықтарды жою үшін адам бірінші өз отбасымен содан кейін жақындарымен кеңесіп барып шешу керек. Өзінің басына түскен қиыншылықты әлеуметтік желідегі псевдопсихологтардың кеңесімен емес. Бұрынғы әдісше шешкен дұрыс. Туыстан артық жақын жоқ. Ал сол психологтар сеанс өткізіп, ақшасын алғаннан кейін қатысы жоқ болады", - дейді қоғам белсендісі.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: