Талғарда кәмелетке толмаған баланың өлімі: неге барлық айыпталушылар ұсталмады

Сурет: Алматы облысының полиция департаменті

8 қазанда Алматы облыстық полиция департаменті бастығының міндетін атқарушы Серік Шалқаров Талғарда 16 жастағы жасөспірімнің өліміне қатысты тергеудің барысы туралы мәлімдеме жасады, деп хабарлайды Zakon.kz.

Ол кісі өлтіру дерегі бойынша қылмыстық іс қозғалғанын еске салды.

"Барлық кінәлі адам ұсталып, уақытша ұстау изоляторына қамауға алынды. Қылмыстық істі тергеу Ішкі істер министрінің ерекше бақылауына алынып, оның нұсқауы бойынша арнайы жедел-тергеу топ жұмыс атқарып жатыр. Барлық жиналған дәлелдер, соның ішінде бейнебақылау камераларынан алынған жазбалар зерттеледі. Қазіргі уақытта жеті адамның қылмыс жасауға қатысы бар екені анықталды", - деді Шалқаров.

Жәбірленуші тараптың дәлелдері бойынша басқа тұлғалардың қатысы бар-жоғын анықтау үшін тергеу шеңберінде тексеру жүргізіліп жатқаны белгілі болды.

"Әрқайсысына қатысты құқықтық баға берілетін болады. Қайтыс болған жасөспірімнің заңды өкілдері тергеу барысы туралы хабардар етілуде. Тергеу мүддесі үшін өзге ақпарат жария етілмейді", - деді ол.

Оқи отырыңыз