Павлодар облысында тасжолда болған жантүршігерлік апаттан екі адам қаза тапты

Павлодар облысында жүргізуші мен жолаушы қаза тапқан жол апаты бойынша қылмыстық іс қозғалды, деп хабарлайды Zakon.kz.

Полиция мәліметінше, жол апаты 11 қазанда Омбы – Майқапшағай тасжолында, Қызылқоғам ауылынан шамамен үш шақырым жерде болған.

Ауа райының қолайсыздығына байланысты ВАЗ-2110 автокөлігінің жүргізушісі рөлге ие бола алмай, қарсы бағытқа шығып, жүк көлігімен соқтығысқан.

Посмотреть эту публикацию в Instagram

Публикация от Организация (@dp_pavlodar)

Қазір оқиғаның себептері мен мән-жайы анықталып жатыр.

Полиция департаменті ауа райы қолайсыз кезде жол ережесін және жылдамдық режимін қатаң сақтаудың маңызын еске салды.