Imanbek желіде қуанышты жаңалығымен бөлісті
![Instagram, сурет - Zakon.kz жаңалық 04.05.2021 18:20](https://kaz.zakon.kz/pbi/WEBP/2023-12-20/file-bc58f7b7-27bc-4bc8-8efd-b4c492a7725b/800x452.webp)
Қазақстандық ди-джей әрі музыкант Иманбек Зейкенов (Imanbek) қуанышты жаңалығымен бөлісті, деп хабарлайды zakon.kz.
Ол өзінің Instagram парақшасында екі көліктің алдында түскен суретін жариялады: ескі LADA Priora мен су жаңа Mercedes-Benz C-class ("Мерен").
Суреттің астына музыкант: "+1", - деп таңба қойған.
Оған пікір қалдырушылардың барлығы Иманбекті жаңа көлігімен жаппай құттықтады.
Ал бірі: "Прирораңды сатпайтын шығарсыз, ә" деп сұрады. Бұған Иманбек:
"Ешқашан" деп жауап берді.
15 наурызға қараған түні қазақстандық музыкант Иманбек Зейкенов (Imanbek) америкалық ән орындаушы SAINt JHN-тің "Roses" әніне жазған ремиксі үшін Grammy сыйлығын алғаны белгілі болды. Оның жазған ремиксінен кейін бұл ән бүкіл әлемге танымал болды. Иманбектің Ютубқа жүктеген видеосы миллиондаған қаралым жинады. Трек АҚШ-тың Billboard Hot 100 бестігіне кірді, өз кезегінде рэпер Карлос Сент Джон Ақсу тұрғынына ремиксі үшін алғыс айтты.
Бұл тарихи оқиғаға Қазақстан Президенті Қасым-Жомарт Тоқаев та пікір білдірді.