Алматыда мопедтегі қыз бар жылдамдығымен тұрақтағы көлікке қойып кеткен

Алматыда орталық стадионының тұрағында жол апаты орын алды, деп хабарлайды Zakon.kz.

17 жастағы қыз мопедті жалға алған. 

Сурет: Zakon.kz

Тәжірибесі болмағандықтан ол рөлге ие бола алмай, бар жылдамдығымен тұрақта тұрған Mitsubishi L200-ға келіп соғылған деген болжам бар.  

Сурет: Zakon.kz

Соққының күшті болғаны соншалықты пикапты орнынан қозғап жіберген. Соққыдан кейін қыз мопедтен ұшып түскен. Апат салдарынан ол ауыр жарақат алды.

Сурет: Zakon.kz

Оқиға орнына келген жедел жәрдем бригадасы қызды ауыр жағдайда жақын маңдағы ауруханаға алып кетті.

Сурет: Zakon.kz

Оқиға орнында жұмыс істеп жатқан жол полициясының қызметкерлері алда апаттың барлық мән-жайын анықтайтын болады.