ҚР ТЖМ су тасқыны жағдайларына байланысты соңғы мәліметтермен бөлісті
Сурет: ҚР ТЖМ
ҚР Төтенше жағдайлар министрлігі су тасқыны жағдайларына байланысты 5 мамырдағы мәліметтермен бөлісті. Келтірілген деректерге сәйкес, бүгінгі таңда эвакуациялық орындарда болған 49 819 адам өз үйлеріне оралды, деп хабарлайды Zakon.kz.
ҚР ТЖМ баспасөз қызметінің хабарлауынша, республика бойынша 8 767 тұрғын үй мен 2 994 аула аумағынан судың бағыты бұрылып, су сорылды. 49 819 адам өз үйлеріне оралды.
"Авариялық-құтқару және су тасқынына қарсы жұмыстарға 14 078 адам, 1 348 техника, 290 су сору құралы және 70 жүзу құралы, 7 әуе кемесі жұмылдырылды. 20 өңірде республикалық және облыстық жедел штабтар жұмыс істейді", делінген хабарламада.
Бұған дейін Атырау облысында Жайық (Орал) өзеніндегі су қауіпті деңгейден асып кеткені белгілі болды. Қазір облыста жағалауды нығайту жұмыстары жалғасуда. Сонымен қатар, Құлсарыда 100-ден астам жеке тұрғын үй мен 10 бизнес нысаны әлі де су астында қалып отыр. Өңірдің эвакуациялық пункттерінде 800-ге жуық адам бар.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
