Үндістанда науқас жігіттің асқазанынан 7 келі темір шықты
![Zakon.kz, сурет - Zakon.kz жаңалық 27.11.2017 17:37](https://kaz.zakon.kz/pbi/WEBP/2023-12-20/file-2bb63cb4-35b8-4a5c-ae2e-fe9d715e97f4/800x452.webp)
Отбасы оның темір-терсекпен тамақтанатынын жақсы білген екен.
Нью-Дели қаласының дәрігерлері асқазанында 263 тиын мен 100 шеге жатқан науқасты көріп қатты таңқалған. Бастапқыда олар ер адам тамақтан уланған болар деп болжаған, - деп хабарлайды Baq.kz Zee News басылымына сілтеме жасап.
35 жастағы Мэксуд Хан дәрігерлерге асқазанының ауыратынын айтып келген. Тексеруден кейін оның асқазанында көптеген тиын мен өзге темір-терсек жатқаны анықталған. Нәтижесінде ол Сатнадағы Санджай Ганди атындағы ауруханаға жатқызылып, сол жерде ота жасалды. Оның асқазанынан алынған темір-терсектің жалпы салмағы – 7 келі.
Ұлыбританиялық Yahoo жаңалықтарында Ханның ақыл-ес кемістігі бар екені туралы айтылған. Отбасы оның темір-терсекпен тамақтанатынын жақсы білген екен.
«Бастапқыда науқас бізге үш айдан бері асқазанының ауырып жүргенін айтты. Тексеру барысында оның асқазанындағы темір-терсекті көріп қатты таңқалдық. Тәжірибемізде мұндай жағдаймен бірінші рет кездесіп отырмыз. Дені сау адам бұлай жасамайды», - дейді дәрігер Прийанк Шарма.
Фото: baq.kz
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript