Бүгін Қазақстанның басым бөлігінде жаңбыр жауады
![zakon.kz, сурет - Zakon.kz жаңалық 11.05.2018 15:39](https://kaz.zakon.kz/pbi/WEBP/2023-12-06/file-8458c62b-b737-45ff-b85e-d35cf939cd0d/800x450.webp)
Атмосфералық ағындардың өтуіне байланысты Қазақстанның басым бөлігінде найзағайлы жаңбыр жауады, ал оңтүстік-шығыста және оңтүстік-батыста жауын-шашын болмауы мүмкін, деп хабарлайды Zakon.kz Қазгидрометке сілтеме жасап.
Ақмола, Шығыс Қазақстан облыстарының кей жерінде түнде және таңертең тұман, күндіз желдің жылдамдығы 15-20 м/с күшейеді.
Солтүстік Қазақстан облысының кей жерінде жел жылдамдығы 15-20 м/с жетіп, бұршақ жаууы мүмкін.
Қызылорда, Оңтүстік Қазақстан облыстарының кей жерінде шаңды дауыл соғып, жел екпіні 15-20 м/с жетеді.
Алматы облысының Жалаңашкөл ауданында жел жылдамдығы 15-20 м/с күшейеді.
Қостанай облысының кей жерінде тұман болып, желдің жылдамдығы15-20 м/с жетуі ықтимал.
Маңғыстау, Батыс Қазақстан, Ақтөбе облыстарының, түнде Атырау облысының, күндіз Жамбыл, Павлодар, Қарағанды облыстарының кей жерінде жел 15-20 м/с күшейеді.