Қазақстандық блогер 5G толқынының бұлттарға әсер ететініне сенімді

Қазақстандық блогер өзінің "Правдоискатель Конспирология" атты YouTube-каналында өзіне ерекше болып көрінген бұлттардың видеосын жариялады, деп хабарлайды zakon.kz.

Оның пайымдауынша, толқынды бұлттар 5G толқынының әсерінен пайда болады. Алайда, stopfake.kz блогердің бұл тұжырымын жоққа шығарады.

"Бұл олай емес. Біріншіден, видеода аса түйдек бұлттар көрсетілген. Бұл әдеттен тыс жайт емес. Олар көптеген факторларға байланысты жылдың кез келген мезгілінде қалыптасуы мүмкін. Көбінесе мұндай бұлттардан жауын-шашын жауады. Екіншіден, қазіргі кезде Қазақстанда технология әлі іске қосылмағандықтан 5G толқынының болуы мүмкін емес. Ол үшін жабдықтар сатып алынбаған және қажетті лицензиялар алынған жоқ. Бұл туралы Цифрлық даму, инновациялар және аэроғарыш өнеркәсібі министрлігінің баспасөз қызметінен хабарлады" делінген қарсы пікірде.

Сондай-ақ, бұған дейін ДДСҰ 5G форматындағы желілердің коронавирустың таралуымен байланысын жоққа шығарған болатын.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021