Қазақстан мұнай өнімдерін тауар биржалары арқылы сата бастайды

Қазақстанда ағымдағы жылдан бастап бензин мен битумды тауар биржалары арқылы өткізу жоспарланған, деді Энергетика министрі Нұрлан Ноғаев, деп хабарлайды zakon.kz.

- Президент Жолдауының аясында мұнай өнімдері мен электр энергиясы саласында биржалық сауданы ретке келтіру және жетілдіру, сондай-ақ бәсекелес саясатты дамыту бойынша тапсырма берілген болатын. Мәселен, биылғы наурыз айынан бастап бензин мен битумды тауар биржалары арқылы өткізу жоспарланып отыр, бұл ретте бензинді өткізу көлемі Министрлік бекітетін ай сайынғы жеткізу жоспарларына сәйкес анықталатын болады, деді Ноғаев Энергетика министрлігінің кеңейтілген алқа отырысында.

Дизель отыны мен керосинді тауар биржалары арқылы өткізуді 2021 жылдың 3-тоқсанында бастау жоспарлануда.

Бұдан басқа, 2021 жылдың соңына қарай сұйытылған мұнай газын электрондық сауда алаңдары арқылы өткізуге толық көшу жүзеге асырылады, деп еске салды ведомство басшысы.

- Бұл осы саланың ашықтығы мен бәсекеге қабілеттілігін қамтамасыз етеді. Сонымен қатар, бизнес үшін әкімшілік кедергілерді азайту мақсатында газ желісі ұйымдарын аккредиттеу институты жойылады, деп қорытындылады Ноғаев.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021