«Жуырда кездесеміз!»: Головкин Канелоға сәлем жолдады

Қазақстандық кәсіпқой боксшы Геннадий Головкин Instagram парақшасында қарсыласы Сауль Альвареске үндеу тастады. Спортшылардың кездесуі New York Yankees бейсбол клубының алаңында өтті, деп хабарлайды Zakon.kz.

Бұл – біздің жекпе-жек аптасы алдындағы соңғы кездесуіміз. 17 қыркүйекте кездескенше! – деп жазды Геннадий Головкин.

Посмотреть эту публикацию в Instagram

Публикация от Gennadiy Golovkin | GGG (@gggboxing)

Айта кетейік, қарсыластар пресс-тур аясында Yankee Stadium-да болды.

New York Yankees, бүгінгі ойынға құрметті қонақ ретінде шақырғандарыңызға көп рақмет! Қызық болғанымен мен шаршы алаңыма оралайын, – деп жазды Головкин.

Еске салайық, Геннадий Головкин мен Канело арасындағы үшінші жекпе-жек 17 қыркүйекте трилогияның алғашқы екі жекпе-жегі өткен Лас-Вегастағы T-Mobile аренасында өтеді.

Геннадий Головкин мен Сауль Альварес арасындағы алдыңғы екі жекпе-жек 2017 және 2018 жылдары өткен. Алғашқы кездесу жанжалды түрде тең аяқталса, араға 12 ай салып өткен екінші жекпе-жекте төрешілердің шешімімен мексикалық жеңімпаз деп танылды.