Жаңалықтар тізбегі
0

Омбы-Майқапшағай тас жолына жұмсалуы тиіс 21 млрд теңге талан-таражға түскен – Антикор

Сыбайлас жемқорлық Сурет: primeminister.kz
Омбы-Майқапшағай жол құрылысының бітпей жатуына 21 миллиард теңгенің талан-таражға түсуі себеп болуы мүмкін. Өңірдегі сыбайлас жемқорлыққа қарсы қызмет қылмыстық іс қозғады. Қазір бұл бағытта атқарылып жатқан жұмыстарға тексеріс күшейтілді, деп хабарлайды Zakon.kz.

Жалпы өлкедегі жолдарда заңсыздықтар жиі анықталып жатыр. Бұған өткізілген рейд нәтижелері айғақ. Омбы-Майқапшағай жол құрылысы бойынша әлі бір оңған нәтиже жоқ.Осы жазда аяқталу керек болған жоба тағы екі жылға созылды. Талай себеп айтылды. Енді ол қатарға жемқорлық та қосылуы мүмкін. Құзырлы орган өкілдері мердігер компания өте қомақты қаражатты қалтасына салуы ықтимал екенін мәлімдеді, деп хабарлайды "Хабар-24".

Қалбатау Майқапшағай автожол құрылысына қатысты 21 миллиард теңгені мақсатсыз пайдалану, яғни талан-таражға түсу фактісі бойынша сотқа дейінгі тергеу тіркелді. Ол әлі жалғасып жатыр. Құжаттар толық жинақталған соң процессуалды шешім шығарылады. ШҚО Сыбайлас жемқорлыққа қарсы қызмет департаментінің басшысы Денис Шакенов

Республикалық маңызды жолдарда ғана емес, тіпті облыс ішіндегі жергілікті бағыттағы жол құрылысы да заңсыздыққа тұнып тұр.

2022 жылы жолдарға 814 тексеріс жүргізілді, 60-ден аса бұзушылықтар анықталды. Мың шақты сынама алынды жолдардан, қазір тексеріс жүргізіліп жатыр. ШҚО Жол активтері ұлттық сапа орталығының инженері Айдос Қабылбаев

Бұдан бөлек мәселен құжат бойынша дардай қып жол салынған деп көрсетілген жерге барсаң шаң басқан,асфальт төселмеген жолды көріп таң қаласың дейді қоғам белсенділері. Ұлан ауданынның орталығы Қасым Қайсенов кентінде де мысал көп. Мұндағы Нұржау көшесінде құжат бойынша тротуар салыну керек болғанмен,ол атымен жоқ.

Ал осы аудандағы Шымқора ауылына кіреберіс жолды сол маңда жол салып жатқандардың өзі талқанын шығарыпты. Алматы-Өскемен трассасын төсеп жатқандар, соңынан бәрін оңалтамыз деп уәде берген екен. Бірақ содан бері 4 жыл өткен. Осы учаскедегі жұмыс аяқталып, уәде бергендер енді кетуге қам жасаған.

2,8 шақырым өздері бұзған жолды олар кетер кезде дәл алдындағыдай қылып, тіпті одан да жақсы қылып жөндеп береміз деген болатын, енді кетеді деп жатыр. Ал жол сол қалпы қалды. Соған біз наразымыз. Егінсу ауылдық округі ақсақалдар кеңесінің төрағасы Марат Мағауиянов

Енді наразы жұртқа жол сапасын бақылаушылар мен жемқорлыққа қарсы қызмет мамандары көмектеспек.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: