Бақтияр Қожахметов ҚР Қаржы вице-министрі қызметінен босатылды
Сурет: primeminister.kz
Қазақстан Республикасы Үкіметінің Қаулысымен Бақтияр Дүйсенбайұлы Қожахметов ҚР қаржы вице-министрі қызметінен босатылды, деп хабарлайды ҚР Премьер-министрінің баспасөз қызметі.
Бақтияр Қожахметов 1985 жылы Қарағанды қаласында дүниеге келген.
Білімі мен білігі:
Лев Гумилев атындағы Еуразия ұлттық университетін, Карлов университетін, Қарағанды мемлекеттік университетін бітірген.
Еңбек өтілі:
Еңбек жолын 2004 жылы жеке компанияда маман ретінде бастаған.
Әр жылдары «ҰАТ» АҚ, «Зерде» ҰИХ» АҚ, ҚР Көлік және коммуникациялар министрлігінде жұмыс істеді.
2016-2017 жылдары — «Ұлттық ақпараттық технологиялар» АҚ төрағасының орынбасары.
2017-2019 жылдары — «Азаматтарға арналған үкімет» мемлекеттік корпорациясы» КЕАҚ басқарушы директоры.
2020-2021 жылдары — «Зерде» ҰИХ» АҚ басқарма мүшесі – төрағасының орынбасары.
2021 жылғы ақпаннан бастап ҚР қаржы вице-министрі болды.
