Семейде латын әліпбиінде сабақ өткізіле бастады
Zakon.kz
Колледждің мың жарымға жуық жастары бұған дейін де жаңа әліпбиді қолдайтындықтарын білдіріп, бірнеше шара өткізген.
Семей қаласындағы электротехникалық колледжде латын әліпбиімен сабақ өткізіле бастады, - деп хабарлайды Хабар арнасы.
«Бұл тәжірибелік сынақ түріндегі сабақтар шәкірттерді психологиялық тұрғыдан жаңа таңбаларға икемдеу мақсатында жүргізіледі», – дейді оқу орны басшылары. Колледждің мың жарымға жуық жастары бұған дейін де жаңа әліпбиді қолдайтындықтарын білдіріп, бірнеше шара өткізген. Ендігі мақсат – дипломдық жұмыстар мен оқулықтарды да біртіндеп латын әліпбиіне көшіру.
– Бізге өте жеңіл түсіп жатыр. Өйткені мехатроника, инженерлік және электр тарапы мен медицинада көп сөздерді ағылшын тілімен сәйкес жүреміз. Сондықтан бізге мағынасын түсінуге өте жеңіл. Электротехника колледжі болғаннан кейін техникалық, электроника және инженерлік терминдерден бастасақ деген ойдамыз, - деді Семей электротехникалық колледжінің директоры Азат Сарпеков.
Фото: stan.kz
Жаңалықтан zakon.kz сайтында хабардар болыңыз:
Бөлісу
0
Толық оқу
