Шымкент тұрғындарын алдаған алаяқ Астанада ұсталды

Zakon.kz Zakon.kz
Күдікті қамауда жатыр.
Шымкенттік полицейлер жұмысқа тұрғызамын деп алаяқтық жасаған күдіктіні Астана қаласынан ұстады. Әл Фараби полиция бөліміне Қазығұрт шағынауданының тұрғындары арызданған. Онда таныс адамы Астана қаласына құрылысқа жұмысқа орналастырып беремін деп ақшаларын алып, қашып кеткенін айтқан. Бұл туралы otyrar.kz хабарлады.

Әл Фараби полиция бөлімі қызметкерлерінің жедел-іздестіру іс-шаралары нәтижесінде күдікті Астана қаласынан ұсталды. Ол Түркістан қаласының 27 жастағы тұрғыны болып шыққан. Ұсталған жігіт жәбірленушілерді жұмысқа кіргіземін деп, әрқайсысынан 70 мың теңге алып, есепшотына аударуын сұраған. Тергеу барысында оның осындай 6 фактіге қатысы бары анықталды. Осылайша алаяқтық жолмен 500 мың теңге тапқан.

Шымкент тұрғындарын алдаған алаяқ Астанада ұсталды

Аталған жайт негізінде қылмысты кодекстің 190-бабы (алаяқтық) бойынша іс тіркелді. Күдікті қамауда жатыр. Сотқа дейінгі тергеу амалдары жүргізілуде.

Осыған орай полицейлер қала тұрғындарына жұмысқа орналастырамын немесе несие алып беремін деген басқа да алаяқтардың құрбаны болып қалмас үшін абай болуын ескертеді. Бейтаныс адамға сенім білдіре бермеңіз!

Ал егер осындай қылмыстың куәгері немесе құрбаны болсаныз, дер кезінде 102 нөміріне хабарласыңыз.

Фото: otyrar.kz
zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз