Жаңалықтар тізбегі
0

Парижде театр көрермендеріне «Қыз Жібек» қойылымы ұсынылды

Фото: Еlorda.info, сурет - Zakon.kz жаңалық 05.12.2017 18:43 Фото: Еlorda.info
Париждік көрермендер әртістердің шеберліктеріне ерекше қошамет көрсетіп, ду қол шапалақтады.
Кеше Париждегі әйгілі "Le Trianon" театрында "Astana Musical" театрының этно-фольклорлық мюзиклі "Қыз Жібек" қойылымында париждік көрермендер әртістердің шеберліктеріне ерекше қошамет көрсетіп, ду қол шапалақтады, - деп хабарлайды Zakon.kz ҚР Мәдениет және спорт министрлігінің баспасөз қызметіне сілтеме жасап.

«Рухани жаңғыру» бағдарламасы аясында ҚР Мәдениет және спорт министрлігінің ұйымдастыруымен гастрольдік сапар басталды. Еуропаның бес елінде өтетін еуротур Парижден бастау алды.

Еуропадағы бұл шетелдік тур – "Astana Musical" жас театрының тарихындағы жаңа белес. Қазақстан құрамасының экскурсиялары Еуропаның Берлин (Германия), Париж (Франция), Вена (Австрия), Брюссель (Бельгия), Мәскеу (Ресей) қалаларында өтеді.

«Қазақстан Республикасының Мәдениет және спорт министрлігі жүзеге асырып отырған «Жаһандық әлемдегі заманауи қазақстандық мәдениет» жобасы қазақстандық шығармашылық жобалар мен қазақстандық ұжымдардың жаңа идеяларына тың серпін береді деп ойлаймын. Бұл өз мүмкіндіктерімізді жоғары деңгейге көтеру және әлемге ұлттық мәдениеттің жетістіктерін көрсету үшін тамаша мүмкіндік», – дейді "Astana Musical" театрының көркемдік жетекшісі Асхат Маемиров.

Жас қазақ театры Париж тұрғындарына этно-фольклорлық мюзикл "Қыз Жібек" қойылымын сыйлады. Көрермендердің айтуы бойынша, қойылымның ұлттық нәзік хош иісі бірден сезіледі, қазақ мәдениетін айрықша ерекшеліктерімен айшықтайды.

«ҚызЖібек» – қазақ фольклорының інжу-маржаны, әлемдік әдебиеттің кез-келген жұмысынан кем емес керемет туынды. Сүйіспеншіліктің әнұраны болып табылатын туынды – халықтың поэзиялық мұрасының барлық салтанатты ұлылығын сіңірген.

Аңыздың негізгі кейіпкерлері – Жібек пен Төлеген әлемге әйгілі Ромео мен Джульетта сияқты ұлы және жарқын махаббаттың символы. Олардың соғысушы әкелерін альянспен татуластыру ниеті соғыс әлеміне өздерінің нәзік сезімін ұсынады. Тарихи оқиға жауынгер Төлеген мен хас сұлу Жібек арасында өрбиді. Бекежанның соқыр қызғанышының аясындағы келіспеушіліктер қайғылы жағдайға айналады. Төлеген өз қарсыласының қолынан қаза тапты, ал Жібектің өзі жақын адамынсыз өмір сүре алмайды. Жібектің бейнесі халықтың жүрегінде сақталған сұлулық, махаббат пен адалдықтың жарқын бейнесі. «Қыз Жібек» аңызы заманауи қазақ қоғамының ортақ мұрасы болып табылатын ғасырлық рухани және адамгершілік құндылықтарды бейнелейді.

Спектакльді тамашалаудан кейін көрермендер қазақ халқының поэтикалық мұрасын өзінің алуан түрлілігімен және сұлулығымен тауып алғандығын атап өтті. Танымал қазақ әуендері мен әндерінің музыкалық дәйектемелерінен басқа, көрермендер халықтың бай мәдениетін – бата беру, жоқтау, айтыс сынды дәстүрлерін көрді.

«Тіл кедергілеріне қарамастан, маған өте қатты ұнады. Мен ешқашан мұндай атмосферада болып көрмеппін. Мәдениеттеріңіз ғана емес, тарихтарыңызды да сезіне алдым. Спектакль ғажап. Бәрі де өте шебер және терең ойластырылған. Драматургия да, киімдер де ұнады», – дейді франциялық театртанушы, режиссер Давид Чавлис Ассатиани.

«Асқан сезімтал ұлттық колорит назарды баурап алады, қазақ мәдениетіне айрықша әсер беріп тұрған – өзіндік ішкі дүниесімен және айқындығымен тартады. Керемет қойылым. Әртістер мен бишілердің орындауы соншалықты ғажап, айналаны түгел баурап, көңіл түкпіріне шейін жаулап алды», – деп пікірімен бөліседі театр сыншысы, өнертану докторы Мари-Кристин Сирижол.

«Қыз Жібек» –әлемдік әдебиеттің осы сияқты шығармаларының бірде-бірінен кем түспейтін сипаты тұрғысынан әдемі, қазақ фольклорінің жауһары. Махаббат гимні болып табылатын бұл шығарма халықтың поэзиялық мұрасының бүкіл ғажайыбын бойына сіңірген.

Аңыздың басты кейіпкерлері – Жібек пен Төлеген бүкіл әлемге танымал Ромео мен Джульетта тәрізді үлкен әрі таза махаббат символы. Олардың сүйіспеншілікке толы одағымен жауласқан әкелерін бітістіруге талпыныстары, айналып келгенде, қылдай сезімдерді бітіспес ұрыс жағдайына әкеліп ұрындырады. Тарихи оқиға батыр жауынгер Төлеген мен хас сұлу Жібек арасында өрбиді. Бекежанның көзсіз қызғанышы аясындағы келіспеушіліктер бітіспес трагедияға айналады. Төлеген өзінің мқарсыласы қолынан құрбан болады, ал Жібек өз сүйіктісінсіз өмірін елестете алмайды. Жібектің образы – бұрынғы замандардан бері халықтың жүрегінде жатталып қалған сұлулуқтың, махаббаттың және адалдықтың поэтикалық образы. «Қыз Жібек» аңызында қазақстандық қоғамның замануи жалпы құндылығы болып табылатын ғасырлық рухани-адамгершілік құндылықтары көрініс тапқан.

4-желтоқсанда, қазақ труппасы Каннда «Астана сазы» фольклорлық ансамблінің сүйемелдеуімен тағы да «Қыз Жібек» мюзиклін таныстырды.

Еске салайық, «Astana Musical» театры 2016 жылдың маусым айында Астана қаласында Қазақстан Республикасы Мәдениет және спорт министрлігінің «Қазақконцерт» мемлекеттік концерттік ұйымының негізінде ашылды. "Astana Musical" театрының репертуарында жаңа туындылармен байытылған, олардың әрқайсысы Астананың мәдени өмірінде айтулы оқиға болып, оның тұрғындары мен қонақтарын қуантуда. Спектакльден спектакльге дейін театр әртістерінің шеберлігі өсіп келеді, себебі жас талант зор ынта-жігермен Қазақстанда музыканың жанрын кеңінен таратуда.
zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: