СҚО әкiмi бюджеттен жаңажылдық безендiруге қаржы бөлмеудi тапсырды

Жаңа 2018 жыл жақындап келедi. Жуық арада бұл мерекеге дайындық басталады. Жыл сайын Петропавлда жаңажылдық безендiруге бюджеттен ақша бөлiнiп келдi. Облыстық әкiмдiктiң отырысында өңiр басшысы Құмар Ақсақалов қала басшылығына бұл мақсатқа қаржы бөлмеудi тапсырды. Жаңажылдық безендiру әшекейлерiн қайта қолдану — бұл мәселенiң ең тиiмдi шешiмi.

«Қалада былтырғы шыршалар, иллюминациялар мен гирляндтар бар. Соларды қолдану керек. Мұз қалашықтарын демеушiлердiң көмегiмен салуға болады. Бiзге бюджеттiк қаражатты жұмсау тәжiрибесiн тоқтатқан жөн», — деп атап өттi Құмар Ақсақалов.

Облыс әкiмiнiң айтуынша, үнемделген қаржы қаланы абаттандыруға бағытталу қажет.