Ақтөбеде дүкенші кассадағы ақшаны өзі ұрлап алды

Ақтөбеде дүкен сатушысы полицияға жалған хабарлама беріп, кассадағы ақшаны қалтасынан салып алды, деп хабарлайды ҚазАқпарат.

Ақтөбе қаласындағы Қарғалы ауылдық округінде орналасқан дүкен сатушысы полицияға телефон шалып, қарақшылық шабуыл жасалғаны туралы ақпарат береді. Дүкен сатушысы бетперде киген екі адам келіп, кассадағы ақшаны алып кеткенін мәлімдеген.

«Полиция қызметкерлері оқиға орнына жедел жетті. Дүкеншіден жауап алу кезінде оның қателескені белгілі болып, қарақшылық шабуылдың қолдан ұйымдастырылғаны анықталды. Өз жауабында, түсініктемесінде дүкенші қателесіп, кейін бейнекамераны сөндіріп тастағанын, кассадағы ақшаны өзі алғанын мойындады. Кейін күдіктіден заттай айғақ ретінде ақшаның бір бөлігі табылды»,- деді Ақтөбе облыстық ІІД баспасөз қызметі.

Айта кетейік, Қылмыстық кодекстің «Ұрлық» бабы бойынша іс қозғалды. Қазір тергеу жүріп жатыр. Жалған ақпарат таратып, ақша ұрламақ болған дүкенші қамауда отыр.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021