Жаңалықтар тізбегі
0

Алматыда ұл-қызы тастап кеткен атақты физик қаңғыбастармен бірге тұрып жатыр

Stan.kz, сурет - Zakon.kz жаңалық 29.12.2017 16:51 Stan.kz
72-ге келген қария өзге қаңғыбастардан ерек. Үсті-басы мұнтаздай таза.

Кешегі ғалым бүгінгі қаңғыбас! Еліміздегі физика ғылымының дамуына өлшеусіз үлес қосқан қария аянышты күйге түскен, - деп жазды КТК.

60-қа жуық ғылыми еңбек жазып, талай жасқа тәлім берген Сапарбай Арынов қазір Алматыдағы қаңғыбастар мекенінде тұрып жатыр. Зиялы адамды ұл-қызы жалғыз тастап кеткен.

Жығылғанға жұдырық болып, биыл оны бір топ жігіт ұрып-соғып, тонап кетіпті. Сөйтіп, әлеуметтік бейімдеу орталығына келуден басқа амалы қалмағанын айтады.

Алматыдағы белгілі тұрағы жоқтарға арналған бейімдеу орталығы. Түрлі тағдырлар тоғысқан жер. Дәл осы жерде 2 айдан бері физика-математика ғылымдарының кандидаты Сапарбай Арынов та тұрып жатыр.

72-ге келген қария өзге қаңғыбастардан ерек. Үсті-басы мұнтаздай таза. Әрі қолы қалт етсе кітапқа үңілетінін байқадық.

Сөйтсек, білдей ғалымды ұл-қызы бірнеше жыл бұрын жалғыз қалдырыпты. Содан бері зиялы қауым өкілі пәтер жалдап, өз күнін көрген. Ал, биыл бір топ жігіттің шабуылына тап болып, қаңғыбастар мекеніне келуге мәжбүр болғанын айтады.

«5 бала екен. Сол жабылып, әмиянда алып кетті. Оның ішінде ақша, құжаттарым бар еді», - дейді физика-математика ғылымдарының кандидаты Сапарбай Арынов.

Мұнда оған тиісті ем-дом жасалған. Қазір денсаулығы қалпына келгендей. Қария кезінде ядролық физика институтында жемісті еңбек етіпті.

Тіпті, зертхана меңгерушісі қызметіне дейін көтерілген. 60-қа тарта ғылыми еңбегі бар. Мектеп оқушылары мен студенттерге сабақ та берген. Өткен өмірін сағынышпен еске алған ғалым қазір де қарап жатқан жоқ.

«Ескі кітаптарды жақсы көремін, олардың құндылығы артық. Солардан теріп-теріп, өзім бір қазақшаға аударып жатырмын. Біраз уақытты босқа жіберіп алғаныма өкінемін. 6 жылдай жоғалтып алдым мен. Ал, басқа уақытта жұмысқа беріліп істедім»,-дейді физика-математика ғылымдарының кандидаты Сапарбай Арынов.

Сапарбай Арыновтың еліміздегі физика ғылымының дамуына зор үлес қосқанын бұрынғы әріптестері де растады. Әрі онсызда физиктер азда оның қаңғыбастар мекенінде тұрып жатқанына алаңдаулы.

«Кеңес одағындағы белгілі физиктердің қатарына кіретін. Сондықтан уақытында біздің институтта істегенде ол қомақты үлес қосты деп айта аламын», - дейді Ядролық физика институты бас директорының орынбасары Насыролла Бүртебаев.

Қаңғыбасқа айналған физик қазір авторлық кітабын жазып жатыр. Десе де, мұнда ғылыммен айналысу үшін қолайлы жағдай жоқ. Сондықтан, өзі қарттар үйіне ауысқысы келеді. Бірақ, ол әзірге мүмкін болмай тұр.

«Қарттар үйіне барғысы келеді. Ал, қарттар үйіне бару үшін оның балалары заң түрінде бас тартуы керек. Қарамаймыз, бақпаймыз деуі тиіс. Сол кезде ғана біз оны қарттар үйіне тапсыра аламыз», - дейді Алматы қалалық әлеуметтік бейімдеу орталығы директорының орынбасары Қазбек Жылқыбеков.

Десе де, қарияның 2 баласы ұшты-күйлі жоқ. Әкесін іздеп бірде-бір рет келмеген. Ал, ғалымның өзі мұның бәрін сынақ деп есептейді. Келер жылы қайта ғылым әлеміне оралып, жастарға дәріс беруді де жоспарлап отыр.

Айта кетсек, әлеуметтік бейімдеу орталығы 180 орынға арналған. Ал, қазір мекемеде 185 адам тұрып жатыр. Қыс кезінде мұнда үйсіз-күйсіздер қаптайды. Сондықтан, қызметкерлер Сапарбай Арыновтың бала-шағасы «асқар тауын» тезірек іздеп келсе дейді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: