Қазақстанда міндетті медициналық сақтандыру 2020 жылға қалдырылды

Қазақстанда міндетті медициналық сақтандыру шеңберінде медициналық көмек көрсету мерзімі 2020 жылға қалдырылды, деп хабарлады денсаулық сақтау министрлігінен. Бұл туралы Today.kz "Интерфакс-Қазақстан"-ға сілтеме жасап хабарлайды.

"Міндетті медициналық сақтандыру жүйесінде заңнамалық өзгерістер қабылданды, оған орай медициналық көмек көрсету мерзімдері және жеке тұлғалар мен мемлекеттің жарна төлеуі 2018 жылдың 1 қаңтарынан 2020 жылдың 1 қаңтарына қалдырылды", - делінген министрліктің сайтында жария етілген хабарламада.

Міндетті әлеуметтік медициналық сақтандыру туралы заң Қазақстанда 2015 жылы қабылданған. Сол кезде Әлеуметтік медициналық сақтандыру қоры құрылған болатын, оған ақша аудару 2017 жылдың шілдесінен басталды, ал бұл жүйенің өзі 2018 жылдан бастап іске қосылуға тиіс еді. Алайда биыл қыркүйек айында президент Нұрсұлтан Назарбаев МӘМС енгізуді асықпауға шақырды, өйткені өздерін жұмыспен қамтыған 2,7 миллион адам медициналық сақтандырудан тыс қалып қалуы ықтимал болатын.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021