Қарағанды облысында айықпас дерт жұққан жылқыларды өртеп жатыр

Қарағанды облысы Бұқар жырау ауданы Қарақұдық ауылында инфекциялық эпизоотикалық лимфангит жұқтырған 15 жылқының көзі жойылатын болды, деп хабарлайды «ҚазАқпарат» ХАА.

Бұл ауылға Астанадан эпизоотикалық топ келіп, малдарды қайта тексеруден өткізген.

Олар бұл індеттен айығу мүмкін емес деген байламға келген. Бұқар жырау ауданы Қарақұдық ауылының әкімі Орымбала Дүйсембекованың мәлімдеуінше, мал дәрігерлері келгенге дейін жылқыларды екі апта басқа малдардан оқшау ұстаған.

«Бұл ауру сегіз үй-жайдан анықталды. Ауылда барлығы 175 қора бар. Жұқпалы ауру таралмады. Мал дәрігерлері күн сайын бірнеше жер қораларды аралап, малдарды тексеріп жатыр», - деді ауыл әкімі.

Жылқылардың иелері өтемақы алу үшін ветеринария басқармасына өтініш жазып, малдың төлқұжатын немес басқа да құжатын алып баруы керек.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021