Жаңалықтар тізбегі
0

Шымкентте қарақшылар тобы ұсталды

sputniknews.kz, сурет - Zakon.kz жаңалық 19.01.2018 17:58 sputniknews.kz
Күдіктілердің былтыр қарашада букмекерлік кеңсеге жасалған қарақшылық шабуылға қатысы бар болып шықты.

Шымкентте қарақшылықпен айналысқан төрт адамнан тұратын қылмыстық топ құрықталды, деп хабарлайды sputniknews.kz Оңтүстік Қазақстан облысы ІІД баспасөз қызметі берген ақпаратқа сілтеме жасап.

2018 жылдың 8 қаңтарында Шымкент қаласы ІІБ Еңбекші бекетінің кезекші бөлімшесіне дүкенге қарақшылық шабуыл жасалғаны туралы хабар келіп түсті. Полицейлер анықтағандай, азық-түлік дүкеніне бетін бүркеген белгісіз біреулер кіріп, сатушыны шолақ мылтық және шоқпармен қорқытып, сексен мың теңге қаражатты тонап кетіпті.

Аталған дерек бойынша қылмыстық іс қозғалып, қылмыстық полиция қызметкерлері төрт күдіктіні ұстады. Жас жігіттер дүкендерді ғана емес, букмекерлік кеңселер мен жанармай бекеттерін де тонаумен айналысқан екен.

Мәселен, былтыр қылмыстық топ Сарыағаш ауданындағы букмекерлік кеңсеге шабуыл жасаған. Сол жолы оператор қызды қарумен қорқытып, 250 мың теңге тонап кеткен.

Олардың жеті қарақшылық шабуылға қатысы бары анықталды. Сотқа дейінгі амалдар жүргізіліп жатыр, күдіктілер қамауға алынды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: