Бағдат Мусин шетелдіктердің Қазақстанда болу ережелерін қайта қарауды ұсынды

ҚР БП Құқықтық статистика және арнаулы есепке алу комитетінің төрағасы Бағдат Мусин шетелдіктердің Қазақстанда болу ережелерін қайта қарауды ұсынды. Бұл туралы ол Facebook парақшасында жазды, деп хабарлайды Zakon.kz.

"Шетелдік азамат елімізге 30-60 күнге қайта кіру үшін, не себепті бір күнге елімізден шығу керек, мен соны түсінбеймін. Бұл ақылға қонымсыз жағдай, олар екі күнге елден шығып, (мысалы, Бішкекке) қайта Қазақстанға кіру үшін көп қаржы (300-400 АҚШ долларын) жұмсайды. Неліктен біз жеңіл түрін ойлап таппаймыз - одан да мемлекетке белгілі бір соманы (мысалы, 100 доллар) ресми түрде төлеп, елімізде тағы 30-60 күнге қалмай ма?» - деген сұрақ қойды Мусин.