Жаңаөзенде танысын ұрып жіберген ер адам 1 млн айыппұл төлейді

Жаңаөзен қаласының тұрғыны танысын жұдырықтап, кейін қашып кеткен, деп хабарлайды Baq.kz Жаңаөзен қалалық сотының баспасөз хабарламасына сілтеме жасап.

Сот ер адамның Өркен шағын ауданында орналасқан «Қуаныш» мейрамханасының алдында тұрып танысын жұдырықпен ұрып жібергенін анықтады. Кейін ер адам қылмыс жасаған жерінен қашып кеткен.

«Жаңаөзен қалалық сотымен азамат ҚР ҚК 1-бөлім 293-бап бойынша сотталды. Оған 500 АЕК көлемінде айыппұл тағайындалды. Яғни ол 1 134 500 теңге төлеуі тиіс», - делінген Жаңаөзен қалалық сотының баспасөз хабарламасында.