БҚО-да жел екі әлеуметтік нысанның шатырын ұшырып әкетті

Күн райының қолайсыздығынан Батыс Қазақстан облысында бірнеше оқыс оқиға тіркелді, деп хабарлайды Хабар 24.

Зеленов ауданында жылдамдығы 25 метрге дейін жеткен жел 2 әлеуметтік нысанның жабынын ұшырып әкетті. Белес ауылында білім ордасы шатырсыз қалса, Новенький ауылында мәдениет үйінің төбесі зақымдалды. Абырой болғанда, зардап шеккендер жоқ. Қазір арнайы комиссия құрылып, келген шығынның көлемі нақтыланып жатыр. Сондай-ақ кеше кешкісін боранға байланысты Тасқала ауылынан Ресейдің Саратов облысының шекарасына дейін көлік қозғалысына шектеу қойылды. Қазір жол ашық. Облыста күре жолдардың бойында 34 жылыту бекеті ұйымдастырылған.

- Барлық көліктерге шектеу қойылды. Бұл бойынша ақпарат СМС хабарлама арқылы тұрғындарға жеткізілді. Тұрғындарға айтарымыз, ауа райының қолайсыздығына байланысты СМС хабарлама келген кезде, әсіресе жолдың жабылуы жөнінде болса, алыс жолға шықпауларын сұраймыз, деді облыстық ТЖД бөлім басшысы Марс Отаров.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021