Маңғыстау облысында тағы 4 үй жануары құтырма жұқтырып өлген
selo-exp.com
Маңғыстау облысында құтырма жұқтырған тағы 4 мал өлді. Осылайша дерттен сұлағандар саны 9-ға жетіп отыр деп жазады Астана телеарнасы.
Құтырма ауруы Жаңаөзен қаласы мен Шетпе кентіне де жеткен. Мамандар мал қожайындарына өтемақы республикалық бюджеттен төленетінін айтып отыр. Алайда, өлген малдың құны қалай бағаланатыны белгісіз. Оны арнайы комиссия шешеді. Зерттеу тобының құрамына жергілікті әкімдік мамандары, ауыл шаруашылығы басқармасы мамандары және республикалық эпизоотиялық жасағының қызметкерлері енеді.
Қамбар Мүмінов, Маңғыстау облысы ветеринария басқармасы эпизоотиялық қауіпсіздік бөлімінің басшысы: Құнын өтеу республикалық бюджеттен бөлінетін болғандықтан бұл жерде негізгі жұмысты атқаратын АШМ қарасты екі мекеме. Ветиринариялық қадағалау комитетінің облыстық аумақтық инспекциясы және республикалық эпизоотиялық жасағының облыстық филиалы. Олар барлық шара біткеннен кейін шамамен 1,5- 2-3 ай шамасында алады. Ол тез болмайды.
Естеріңізге салсақ, аты жаман ауырудан алғаш мал өлімі Жармыш ауылында тіркелген еді. Жергілікті халықтың айтуынша, жарты жылда дерттен 40 бас мал арам қатқан. Алайда, сараптама бойынша құтырмадан тек екі түйе ғана өлген болып шыққан. Басқа малдың өліміне құтырма себеп емес деген шешім шыққан.
