Елордада пәтер тонаумен айналысқан топ ұсталды

Астана полицейлері 20-22 ақпан аралығында 14 пәтер ұрысы ұсталып, бұған дейін жасалған 8 пәтер тонау қылмысы анықталды, деп хабарлайды Елорда инфо қалалық ІІД сілтеме жасап.

«21 ақпанда ІІД Криминалды полиция қызметкерлері жедел-іздестіру шаралары кезінде Жамбыл облысынан келген төрт азаматтан құралған қылмыстық топты құрықтады. Бүгінгі күні олардың елорда аумағында бірнеше пәтерді тонағаны дәлелденді. Ұсталған азаматтар уақытша ұстау изоляторына қамалды. ҚР ҚК 188-бабына (ұрлық) сәйкес сотқа дейінгі тергеу жүргізілуде және олардың басқа қылмыстарға қатысы бар-жоғы анықталып жатыр», - делінген Астана қаласының ІІД Facebook желісіндегі ресми парақшасында.

Белгілі болғандай, ұсталған азаматтар пәтерлерге пластикалық әйнекті ашу арқылы кіріп, ақша, әшекей бұйымдар және басқа да бағалы заттарды алып отырған.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021