Жаңалықтар
Басқа бұқаралық ақпарат құралдарында
Загрузка...
Оқи отырыңыз

Баян Алагөзова мюзиклдің неге «Сиситай» аталғанын түсіндірді

25 күннің ішінде түсіріліп 400 мың АҚШ доллары жұмсалған фильмде Баян Алагөзованың күйеуі Тұрсынғали Алагөзов те актер ретінде бой көрсетеді.

Сурет : ҚазАқпарат6 Наурыз 2018, 11:10

Баян Алагөзова жоқшылықты да тоқшылықты да көрген қыздың арманға жетер жолы туралы тағы бір кино түсірді. Жаңа туындыға ол «Сиситай» деп ат қойыпты, деп хабарлайды ҚазАқпарат.

«Сиситай - қазақ қызының аты, фильмнің басты кейіпкері. Әлемдік деңгейдегі әртіс C. C. Catch есімінен алынып, қазақша еркелетіп айтылады. Оны Гуля не Сәуле немесе Дина деп атайтын болсақ ешқандай ерекшелігі болмас еді. Фильмді көріп болған адамдар Сиситай деген әлемдегі ең мейірімді есім екеніне көздері жетеді», - деді Баян Алагөзова Алматыда өткен «Сиситай» мюзиклінің премьерасында.

Продюссердің киноқоржынында бұған дейін түсірілген шоу бизнес әлемінен сыр шертетін «Жұлдызға арналған коктейль» фильмі бар. Бұл жолы Баян Алагөзова толыққанды мюзикл жасап шығарған. Сюжетке сәйкес Сиситай есімді ауқатты бизнесменнің қызы әкесінің қарсылығына қарамастан әнші болуды армандайды. Кейін әкесі дүниеден өткен соң өгей шешесі оны үйден қуып шығады. Қолына ілінген қара жұмыстың бәрін атқарып нан тауып жүрген қыз ойда жоқта әйгілі продюсер Алиса Мақсұтқызының көзіне түседі (оның рөлін Баян Алгөзованың өзі сомдайды).

25 күннің ішінде түсіріліп 400 мың АҚШ доллары жұмсалған фильмде Баян Алагөзованың күйеуі Тұрсынғали Алагөзов те актер ретінде бой көрсетеді. Жаңа туынды көпшілік назарына 8 наурызда мереке күні ұсынылмақ.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер