Қанат Ислам өзінің промоутерлік компаниясын ашты

Бірінші орта салмақтағы WBO Intercontinental мен WBA Fedelation белбеулерінің иегері Қанат Ислам «QAZAQ promotions» промоутерлік компаниясын ашты, деп хабарлайды prosports.kz сайты.

Аталған ақпаратты қазақстандық боксшының PR-менеджері Берік Сұлтан өзінің Facebook парақшасында мәлімдеді.

«Қанат Ислам Америкада «QAZAQ promotions» промоутерлік компаниясын ашты. «QAZAQ promotions» Американың ірі промоутерлік компанияларымен бірлесіп үлкен бокс кештерін ұйымдастыратын болады. Бүгінде «Main event» промоутерлік компаниясымен серіктестік орнаттық. Алда жоспар көп. Биыл чемпиондық жекпе-жек өткізу ең басты мақсатымыз. Сол жолда команда тынбай еңбек етуде», - деп жазды Берік Сұлтан.

Әрі серіктес компания жауаптыларымен бірге түскен суретін жүктеп, ондағы адамдарды таныстыра кетуді де ұмытқан жоқ.

- Суретте әріптестеріміз «Main event» промоутерлік компаниясының иесі, промоутер
Kathy Duva, менеджер Egis Klimas және мачмейкер Jolene Mizzone

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021