ШҚО: Глубокое ауданында үйсіз қалғандарға 60 млн теңге бөлінді

ҚазАқпарат ҚазАқпарат
Зардап шеккен азаматтар үшін мектептерде уақытша тұратын орын ұйымдастырылды.

Бүгін Шығыс Қазақстан облысының әкімі Даниал Ахметов Глубокое ауданындағы Прогресс ауылында тасқыннан зардап шеккен тұрғындармен кездесті. Тасқыннан баспанасы жарамсыз болған тұрғындарға үй сатып алу үшін 60 млн теңге бөлінетін болды, деп хабарлайды ҚазАқпарат.

Кездесу барысында Даниал Ахметов елдің талап-тілектерін тыңдап, апаттың зардабын жою бойынша атқарылатын жұмыстармен танысты. Ауданда әлі де болса табиғи сипаттағы төтенше жағдай сақталуда.

Соңғы дерек бойынша Прогресс, Белоусовка, Предгорное және Глубокое кентіндегі 176 үйге арнасынан асқан өзен суы кіріп кеткен.

«Зардап шеккен азаматтар үшін мектептерде уақытша тұратын орын ұйымдастырылды. Екі күннің ішінде жағдайды бағалап, жұмыс істейміз. Кімде-кімнің үйі қирап, мүлдем іске жарамсыз болса, үй сатып алып береміз. Ол үшін ауданға 60 миллион теңге бөлінді. Барлық шығындарыңыз есептеліп, орны өтеледі. Бірақ, жағдайды пайдаланып, үйлерін өз қолымен қирату деген болмасын, - деді Даниал Ахметов.

https://static.zakon.kz/uploads/posts/2018-03/thumbs/1522059528_0000.jpg

Айта кету керек, тұрғындардың киім-кешек, азық-түлік сияқты тұрмыстық қажеттіліктері үшін кеше 10 млн теңге жолданған болатын.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз