Семейде су тасқыны кезінде тонау әрекеттерінің болғаны туралы ақпарат расталмады

Семейде табиғат апаты болған кезде су басқан үйлерді тонаушылар пайда болды, деген қауесет тарап жүр, деп хабарлайды ҚазАқпарат.

Әлеуметтік желіде және WhatsApp мессенджері арқылы қауіпсіз жерге көшіріліп жатқан адамдардың үйін тонап жатыр деген қауесет тараған болатын.

Бірақ полиция бұл ақпаратты шындыққа жанаспайды деп мәлімдеді.

«Қазірге дейін қарақшылық дерегі бойынша бірде-бір жәбірленуші өтінішпен келген жоқ. Эвакуация жасала бастаған алғашқы күндерден бастап-ақ су басқан аудандрды қатаң бақылауға алдық. Жер-жерде тәулік бойы полиция қызметкерлері мен учаскелік инспекторлар кезекшілікте», - дейді Семей қаласы ІІБ баспасөз қызметінің басшысы Елубек Оспанов.

Еске сала кетейік, Семейдегі табиғат апатының салдарынан 700-ден астам тұрғын үй мен жекежайларды су басқан болатын.