Жаңалықтар
Басқа бұқаралық ақпарат құралдарында
Загрузка...
Оқи отырыңыз

ОҚО: Балмұздақтан уланғандардың басым көпшілігі ауруханадан шықты

Қаланың 188 тұрғыны балмұздақ сататын «Южное» сауда орнынан тәтті жеп, жаппай уланып қалған болатын.

Сурет : ҚазАқпарат6 Сәуір 2018, 12:29

Шымкентте балмұздақтан уланғандардың басым көпшілігі ауруханадан шығарылды. Облыстық денсаулық сақтау басқармасы баспасөз қызметінің мәліметінше, қалалық жұқпалы аурулар ауруханасында тек сальмонеллёз жұқтырған 28 науқас ем қабылдауда, деп хабарлайды ҚазАқпарат тілшісі.

«Күні кеше науқастардың біразы ауруханадан үйлеріне қайтарылды. Ем қабылдау үшін қалған 28 науқастың 11-і - бала, 8-і - жасөспірім және 9-ы - ересек адам. Ересектердің арасында жүкті әйел мен «Южное» сауда орнының екі қызметкері бар. Олар инфекция жұқтырған соң біраз уақыт емделеді», - дейді Облыстық денсаулық сақтау басқармасының баспасөз хатшысы Мира Сүйлейменова.

Еске салайық, қаланың 188 тұрғыны балмұздақ сататын «Южное» сауда орнынан тәтті жеп, жаппай уланып қалған болатын. Олар қалалық жұқпалы аурулар ауруханасына түсіп, өңірде осы жағдайға байланысты тексеру шаралары жүргізілуде. Облыстық қоғамдық денсаулық сақтау департаменті тарапынан тексеру шаралары нәтижесінде балмұздақ сататын нысан бірде-бір рет тексеруден өтпегені анықталды.

Сондай-ақ балмұздақ дайындауда тазалық нормалары сақталмағандықтан қоспалар мен сынамалардан сальмонеллез мен стафилококк сияқты бірнеше қоздырғыштар табылғаны айтылған.

Тәттіге қажетті сүт тағамдары үй жағдайында дайындалып, талапқа сай келмейтін көлікпен тасымалданып келгені белгілі болды. Осы жағдайға байланысты Облыстық ішкі істер департаменті Қылмыстық кодексінің 304-бабы «санитарлық қағидаларды немесе гигиеналық нормативтерді бұзу» бойынша қылмыстық іс қозғап, бірнеше сараптамалар тағайындады. Тергеу шаралары әлі аяқталған жоқ.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер