Жаңалықтар тізбегі
0

500 домбырашы орындаған күйлер Астана аспанында күмбірледі

elorda.info, сурет - Zakon.kz жаңалық 03.05.2018 15:03 elorda.info
Флешмобқа қатысқан қауым dombyra-flashmob.kz сайтында тіркеуден өтіп, байланыс телефондарын қалдырған.

Қазақстан халқының бірлігі күні 500 домбырашыдан құралған оркестр «Бәйтерек» монументінің алаңында Құрманғазының күйлерін орындады. Флешмобты қазақ халқының мәдениеті мен музыкасын дамыту, патриоттыққа тәрбиелеу мақсатында Астана қаласының мәдениет және спорт басқармасы ұйымдастырды, деп хабарлайды Елорда инфо әкімдіктің ресми сайтына сілтеме жасап.

Елорданың 20 жылдығына орайластырылған «Ұлы дала үні» атты ауқымды іс-шараға музыкант ретінде де, көрермен ретінде де қатысқандардың қарасы мол болды. Ашық аспан астында өткен мерекелік флешмоб кезінде қазақ ұлттық музыкалық аспабының керемет үні жиналған қауымның жүрегін тербеп, рахатқа бөледі.

, сурет - Zakon.kz жаңалық 03.05.2018 15:03

Флешмобқа қатысқан қауым dombyra-flashmob.kz сайтында тіркеуден өтіп, байланыс телефондарын қалдырған. Ал мерекелік көңіл-күй сыйлар мәдени шара басталмай тұрып әлеуметтік желіде жарияланған акцияның қорытындысы шығарылды. Жүргізушілер асық қоржыннан бір асықтан алып отырып сыйлыққа берілетін үш домбыраның иесін анықтады. Асығы алшысынан түскен үш азамат керемет сыйлықтың иесі атанды.

, сурет - Zakon.kz жаңалық 03.05.2018 15:03

«Арнайы сайтымызға тіркелгендер жүзден астам және қаламыздың оқу орындарынан, Қазақ Ұлттық өнер университетінен, Оқушылар сарайынан келіп қатысып жатқандар бар», – деді ұйымдастырушылардың бірі «Байтақ» қоғамдық қозғалысының төрағасы Жаңарған Құралұлы.

Сонымен қатар, флешмобқа белгілі айтыскер ақындар да қатысты. Жандарбек Бұлғақов пен Серікзат Дүйсенғазин мерекеге жиналған қала тұрғындары мен қонақтарына арнап жырдан шашу шашты. Бұдан басқа, шара басында «NOMAD» инструменталды тобы өзінің танымал композицияларын орындады және Қазақ Ұлттық өнер университетінің ұстазы Досым Мақсұтов шәкірттерімен еліміздегі күйшілік мектептердің күйлерін орындады.

, сурет - Zakon.kz жаңалық 03.05.2018 15:03

«Орындайтын күйлеріміз Құрманғазы күйі «Сарыарқа», «Адай», «Балбырауын» және Әбдімомын Желдібаевтың «Ерке сылқым» күйі. Мерекелік флешмобқа домбырасын өздері құшақтап келіп жатқандар көп. Ешқандай дайындық болған емес. Бірден халық алдына шығып өнер көрсетіп жатырмыз. Әсері өте тамаша, халықтың ыстық ықыласынан-ақ көрініп тұр. Күй – құдірет, күй – кие!», – дейді флешмоб дирижері, ҚР-ның Мәдениет қайраткері Нұрлан Бекенов.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: