Н. Назарбаев: Армян халқы елде туындаған саяси дағдарысты шешудің тиімді жолын табады

Nur.kz Nur.kz
Нұрсұлтан Назарбаев пен Армен Саркисян Армениядағы қазіргі ішкі саяси ахуалды талқылады.

Мемлекет басшысы Нұрсұлтан Назарбаев Армения Республикасының президенті Армен Саркисянмен телефон арқылы сөйлесті, деп хабарлайды Zakon.kz Ақорданың баспасөз қызметіне сілтеме жасап.

Әңгімелесу барысында екі ел басшылары Армениядағы қазіргі ішкі саяси ахуалды талқылады.

Қазақстан президенті достас армян халқы елде туындаған саяси дағдарысты заң шеңберінде сындарлы диалог арқылы шешудің тиімді жолын табатынына сенім білдірді.

Айта кетейік, Арменияны он жыл басқарған президент Серж Саргсян премьерлікке тағайындалғаннан кейін елде жаппай наразылық шеруі басталған болатын. Осы жағдайдан кейін Саргсян отставкаға кетті.

Наразылық қозғалысының жетекшісі, парламенттік "Елк" фракциясының басшысы Никол Пашинян Армения премьері қызметіне үміткер ретінде ұсынылды. Бірақ жалғыз үміткер 1 мамырдағы сайлауда жеткілікті дауыс жинай алмады. Оны билік партиясының депутаттары қолдамады. Келесі сайлау 8 мамырға белгіленіп отыр.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз