Головкин Мартиросянды нокаутқа жіберіп, жеңіске жетті
instagram.com
Бүгін орта салмақ дәрежесінде WBA Super, WBC, IBF және IBO нұсқасында әлем чемпионы Геннадий Головкин (37-0-1, 33 КО) мен армян ұлтынан шыққан америкалық Ванес Мартиросян арасындағы жекпе-жекте қазақстандық боксшы жеңіске жетті, деп хабарлайды Zakon,kz тілшісі.
Бұл жекпе-жек кәсіпқой бокс саласындағы маңызды оқиғалардың бірі болды. Жекпе-жек Карсондағы (АҚШ) StubHub Center аренасында өтті. 12 раундқа есептелген жекпе-жекте Головкин қарсыласын екінші раундта нокаутқа түсіріп айқын басымдықпен жеңіске жетті.
Головкин өзінің WBA Super, WBC, IBF және IBO нұсқасында әлем чемпионы титулын сақтап қалды.
Головкиннің осы жекпе-жектен алатын кепілдендірілген гонорары 1 миллион АҚШ долларын құрайды. Бұл оның соңғы үш жылдағы ең төмен сыйақысы. Ал Мартиросянға 250 мың АҚШ доллары беріледі.
