Сарыағашта нөсер салдарынан 19 үйдің ауласын су басты

Оңтүстік Қазақстан облысының құтқарушылары тоқтаусыз жауған нөсер жаңбыр салдарынан аулаларын су басқан жеке үйлердің тұрғындарына көмектесуде, деп хабарлайды ҚазАқпарат ІІМ Төтенше жағдайлар комитетіне сілтеме жасап.

Жергілікті атқарушы органдар және Сарыағаш аудандық ТЖБ күштерімен канал шлюзін жабу жұмыстары атқарылды. «14 мамырда сағат 18.20-да Сарыағаш ауданы Қызылжар елді мекенінде нөсер жаңбыр салдарынан Келес өзеніндегі су деңгейі көтерілді.

Ал сусыз жатқан, өткізу қабілеті секундына 2 текше метрді құрайтын Ханым каналына жіберілген су облыстық деңгейдегі «Сарыағаш-Дербісек» (ұзындығы 500 м, ені 30 м, тереңдігі 25 см) жолынан асып, 19 жеке үйдің ауласын басып қалды»,-делінген ТЖК хабарламасында.

40 құтқарушы мен жергілікті атқарушы органдардың 10 қызметкері, сондай-ақ 14 техника су тартып шығару жұмыстарына жұмылдырылды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021