Жаңалықтар тізбегі
0

Мектеп түлегі ұлттық ЖОО-ға түсу үшін қанша балл жинауы керек

ҚазАқпарат, сурет - Zakon.kz жаңалық 22.05.2018 17:51 ҚазАқпарат
Мектептегі бітіру емтиханы 29 мамыр мен 9 маусым аралығында өткізіледі.

Ағымдағы жылы мектеп түлектері Ұлттық бірыңғай тестіні 20 маусым мен 1 шілде аралығында тапсырады. Бұл туралы бүгін Үкіметтің селекторлық режимдегі отырысында Білім және ғылым министрі Ерлан Сағадиев айтты, деп хабарлайды ҚазАқпарат тілшісі.

«Осы жылы ҰБТ 15-рет өткізіледі. 15 жылдың ішінде ҰБТ-ға 1,5 миллионнан астам мектеп бітіруші қатысты. Бұл барлық мектеп бітірушілердің 80 пайызын құрайды. 2017 жылға дейін ҰБТ үш қызметті атқарды. Бірінші, 11 жылдық оқуды анықтайтын қорытынды ретінде бітіру емтиханы, екінші ЖОО-ларға түсу емтиханы үшінші бітірушілерге мемлекеттік гранттарды тағайындау тетігі. Өздеріңіз білетіндей, тестілеудің бұл форматы 2017 жылы өзгерді. Енді қорытынды аттестаттау немесе бітіру емтихандары мектепте өткізіледі. Ал ҰБТ ЖОО-ларға түсу және мемлекеттік гранттарды тағайындау емтиханы болып қалып тұр», - деді ол.

Оның айтуынша, мектептегі бітіру емтиханы 29 мамыр мен 9 маусым аралығында өткізіледі. Емтихан 5 пән, оның ішінде 4 міндетті және мектептегі оқыту бейіні бойынша бір таңдау пәнінен өткізіледі. Барлық емтихандар ауызша, жазбаша және тестілеу түрлеріне бөлінген.

«Бітіру емтихандарының материалдарын Ұлттық тестілеу орталығы дайындады және арнайы байланыс желісі арқылы барлық облыстарға ағымдағы жылғы 25 мамырға дейін жеткізіледі», - деді министр.

Ерлан Сағадиевтің айтуынша, 2018 жылғы ҰБТ форматы өзгермеген. Яғни, былтырғы жылғы форматқа сәйкес.

«ҰБТ-ны өту мерзімі және берілетін тест сұрақтарының саны өзгерген жоқ. ҰБТ 20 маусым мен 1 шілде аралығында 187 ҰБТ өткізу пунктерінде өткізіледі. Барлық тест сұрақтарының саны - 120, ең жоғары балл - 140, шекті балл - 50. Ұлттық жоғары оқу орындарына түсу үшін 65 балл жинау қажет. Бүгінгі күнге барлық ҰБТ пәндері бойынша тест сұрақтарының базасы қалыптасқан. Осы жылы тест сұрақтарының базасы 50 пайызға жаңартылды. Тест сұрақтары функционалдық сауаттылыққа, яғни, ары қарай оқуға қабілетін, логикалық ойлау деңгейін, базалық түсініктерін анықтауға бейімделген», - деді Ерлан Сағадиев.


zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: