Жаңалықтар
Басқа бұқаралық ақпарат құралдарында
Загрузка...
Оқи отырыңыз

Мейрамбек Бесбаев Бүркіттің екінші фильміне түсті

Режиссерліктің қыр-сырын тереңінен меңгеруге кіріскен Бүркіт екінші кинокартинаның түсіріліміне кірісті.

Сурет : Stan.kz28 Мамыр 2018, 14:03

Режиссерлікке бет бұрған Бүркіттің алғашқы кинокартинасы сәтті шықты деу қиын. Өткен жылы көрерменге жол тартқан “Апан” фильмін киносыншылар да, көрермендер де жаппай сынға алған болатын. Бүркіттің тырнақалды туындысы кассалық жиналым жағынан да үздіктер көшіне ілесе алмады. Дегенмен Бүркіт бір фильммен тоқтап қалмақ емес, деп хабарлайды Stan.kz.

Режиссерліктің қыр-сырын тереңінен меңгеруге кіріскен ол екінші кинокартинаның түсіріліміне кірісті. Экшн-комедия жанрында түсіріліп жатқан фильм “Загадай желание” деп аталады.

Аталған кинофильмде Бүркіттің жиен қарындасы, танымал желі жұлдызы Әсел Асқар, Саят Исембаев, Абунасыр Серіков, тіпті режиссердің жары Аиша да бой көрсетеді. Сондай-ақ, ән әлемінің патшасы атанып кеткен Мейрамбек Бесбаев та фильмге түскен. Бұл туралы Мейрамбек:

“Балықты жек көретін адаммын, балық жемеймін. Бірақ кинода балық аулайтын эпизодқа түсу бұйырғанын көрмейсің бе?” – деді.

Ал кинокартина режиссері Бүркіт:

“Мейрамбек жай-пай киноға келе бермейді негізі, таңдап келеді”, – деп мақтанды.

Айта кетейік, бұл – танымал әнші Мейрамбек Бесбаевтың алғашқы фильмі емес. Ол бозбала шағында “Алғашқы махаббат” фильмінде басты рөлді сомдаған. Сондай-ақ, осыдан бірер жыл бұрын Баян Алагөзованың “Ғашық жүрек” фильмінің қос бірдей бөліміне түскен.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер