Жаңалықтар тізбегі
0

Денис Тен Астанада Әлемдік спорт жұлдыздарының басын қоспақшы

vesti.kz, сурет - Zakon.kz жаңалық 04.06.2018 17:52 vesti.kz
Астананың 20 жылдығына орай ұйымдастырылып жатқан мұзды шоу «Барыс Арена» мұз сарайында өтеді.

9 маусым күні Астанада «Денис және оның достары» атты түрлі ел спортшыларының басын біріктірген дәстүрлі мұзды шоу өтеді. Бүгінге дейін отандық жанкүйерлерге естен кетпес шоу сыйлап, әлем жұлдыздарын елге қонақ еткен Денистың биылғы бағдарламасы көптеген тосынсыйларға толы, деп хабарлайды vesti.kz.

Астананың 20 жылдығына орай ұйымдастырылып жатқан мұзды шоу «Барыс Арена» мұз сарайында өтеді. Бүгінде спорттық нысанда мәнерлеп сырғанау кешіне қарқынды дайындық жүргізілуде. Бір қызығы, Денистің шоуына Астана тұрғындарынан бөлек, шетелдік жанкүйерлер де билет сатып алуда.

Денис Теннің Астанадағы шоуында өнер көрсететін әлемдік спорт жұлдыздарының қатарында 2014 жылғы Олимпиада ойындарының жүлдегері, 2012 жылғы әлем чемпионы және Еуропаның бес дүркін жеңімпазы Каролина Костнер, 2015 және 2016 жылғы Еуропа чемпионаттарының күміс жүлдегері, Гран-при кезеңдерінің жеңімпазы, командалық есепте Сочи Олимпиадасының жүлдегері Елена Радионова, АҚШ-тың төрт дүркін чемпионы Джереми Эббот, 2012 жылғы бірінші Жасөспірімдер Олимпиадасының және Азия чемпионатының жеңімпазы Янь Хань, 2018 жылғы Олимпиада және әлем чемпиондары Алена Савченко мен Бруно Массо, сондай-ақ, Гран-при финалдарының екі дүркін чемпионы, «Төрт құрлық» додасын екі мәрте жеңіп алған канадалық Кейтлин Уивер мен Эндрю Поже бар.

Мұзды шоудың құрметті қонағы ретінде әлемдік мәнерлеп сырғанау тарихындағы орны ерекше маман, талай Олимпиада және әлем чемпиондарын дайындаған даңқты бапкер Татьяна Тарасова шақырылып отыр.

«Татьяна Анатольевна – ол әйгілі бапкер ғана емес, мәнерлеп сырғанау әлеміндегі беделді тұлға. Ол ең бірінші кезекте маған өз принциптеріме адал болуды үйреткен ұстазым. Оның Қазақстанға келуі мен үшін үлкен мәртебе. Мен оған тек қана мұзды шоуды көрсетіп қоймай, еліміздің тарихын таныстырып, 20 жасқа толған Астанамыздың көркі туралы айтқым келеді. Татьяна Тарасованың келуі мен үшін үлкен құрмет», — дейді Денис Тен.

Айта кетейік, мұзды шоу 9 маусым күні саған 18:00-де «Барыс арена» мұз сарайында өтеді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: