Димаш Азия-Тынық Мұхит аймағының ең танымал әртістерінің тізімінде тағы көш бастады

Қазақ әншісі Димаш Құдайберген Азия-Тынық Мұхит аймағының ең танымал әртістерінің тізімінде тағы да көш бастады, деп хабарлайды ҚазАқпарат тілшісі.

Бұл туралы өзінің Инстаграм парақшасында әншінің әкесі Қанат Айтбаев жазды.

«Димаш Азия-Тынық Мұхит аймағының ең танымал әртістерінің тізімінде бірінші орынды сақтап қалды. Тізімде тек әншілер ғана емес, кино актерлары, Оңтүстік Корея, Жапония, Тайланд және өзге де елдердің барлық жанрдағы әртістері бар», - деп жазды Қанат Айтбаев.

Еске сала кетсек, өткен жылдың наурыз айында да Димаш Құдайберген Азияның ең танымал әншісі аталымы бойынша марапатталған болатын. Әншіге номинация 24-кезекті «China Top music Awards» шарасында, Қытайдың Шанхай қаласындағы Mercedes Benz Arena-сында табысталған еді.

Кеште Димаш өзін барша әлемге танымал болуына себепкер, әлемде ең қиын бес әннің бірі саналатын француздың «SOS d'un terrien endétresse» әнін шырқаған.

Оқи отырыңыз

"Адам іздеп жүрмін!". Астанада Әкім Ысқақтың шығармашылық кеші өтті

22:28, 24 сәуір 2024

Сүйінші! "Міржақып. Оян қазақ" фильмі екі номинация бойынша үздік деп танылды

13:16, 20 сәуір 2024

Қазақтың күй атасы Әбдімомын Желдібаев дүниеден озды

22:38, 12 сәуір 2024