Жаңалықтар тізбегі
0

Астана атауын әуежайдан келе жатқанда талқыладық - елорданың алғашқы әкімі

inform.kz, сурет - Zakon.kz жаңалық 04.07.2018 20:44 inform.kz
Қазақстан астанасы бас қалалардың әлемдік тізіміне жаңа атаумен енді.

ҚР Президенті Әкімшілігінің басшысы, 1997-2003 және 2014-2016 жылдары елорданың әкімі болған Әділбек Жақсыбеков Ақмолаға Астана атауы қалай берілгенін айтты, деп хабарлайды ҚазАқпарат.

«Халықаралық тұсаукесерден бір ай бұрын Астана өзінің жаңа атауын иеленді. Тарихи атау - Ақмола -жергілікті жердің сакралды мәнін, қасиеттілігін айшықтайтын. Алайда біздің тарихымызбен жете таныс емес адамдар, әлде, жаңа астананы сынау үшін әдейі сыныққа сылтау іздеушілер, оның атауының түрлі жағымсыз түсіндірмелерін ойдан ш­ы­ғар­­ды. Қоғамда, газет беттерінде бұл тұр­ғыда қызу пікірталас туды. Бұл туралы, әрине қоғамдық пікірге үнемі ден қойып отыратын Мемлекет басшысы да білді», - деп жазды Әділбек Жақсыбеков «Егемен Қазақстан» газетінде жарияланған «Астана - Қазақстан тәуелсіздігінің нышаны» мақаласында.

Ол Нұрсұлтан Назарбаевтың әр минутты тиімді пайдаланатынын атап өтті.

«Жұмыс мәселесін талқылау Мемлекет басшысын жиі күтіп алатын әуежайда басталатын да, қалаға жол үстінде жалғасатын. Қандай да бір салынып жатқан нысанға жолай соға кету жиі болып тұратын. Бір күні біз Президентті ел аралап келе жатқан бетінен күтіп алдық. Тіке­лей әуежайда ол Премьер-Министр Нұрлан Балғымбаев екеумізді өз машина­сына отырғызып алды. Астананың атауын өзгер­ту шын мәнінде пісіп-жетіл­ді, - деп әңгі­мені бірден бастады Мемлекет басшы­сы.

Өңірлердегі кез­десу барысында көптеген адамдар осы туралы әңгімелеп, сұрақтар қойды. Пре­зидент аз-кем үнсіз қалды да, жартылай сұраулы түрде «Астана» деген атау сіз­дер­ге қалай, ұнай ма деді. Тегінде бұл өзі қанатты сөз, болашаққа ұмтылыстың ныша­ны болар ма еді. Мемлекет басшысының сұрағы бізді, әдеттегідей, әбігерге салды. Президент ойланып-толғануға уақыт берген және көп өтпей-ақ әңгіме қайта жалғасын тапты», - деп еске алды Жақсыбеков.

Нұрсұлтан Әбішұлы «Астана» үшін сенімді уәждер келтірген: бұл сөз­де баршаға мәлім нақты мағына бар және дәлме-дәл астананы білдіреді; екіншіден, онда жағымсыз саяси немесе тарихи бұра түсіндіруге негіз жоқ; үшін­шіден, ол қазақ тілінде де, басқа тілдерде де әуезді, жағымды естіледі. Ақыр соңында, халықаралық таныстырылымда ұсынылатын жаңа атау елдің жаңаруының нышанына айналды.

Қазақстан астанасы бас қалалардың әлемдік тізіміне жаңа атаумен енді.

«Нұрсұлтан Әбішұлы қаланы қайта атау туралы шешім заң бойынша тек мәслихат пікірі ескеріле отырып қана қабылдануы мүмкін екенін бірден-ақ айтты да, менің депутаттармен кез­де­суі­мді сұрады. 1998 жылғы 6 мамырда астаналық мәс­лихаттың сессиясы шақырылды. Де­пу­таттар Мемлекет басшысының ұсы­нысын қызу қолдады. Көптеген адамдар мұның дұрыс әрі дер кезінде қабыл­данған шешім екенін айтты. Елорда Астана деген жаңа атауға ие болды», - деп өз сөзін түйіндеді Әділбек Жақсыбеков.

Сондай-ақ, бұл мақалада Әділбек Жақсыбеков бизнестен мемлекеттік қызметке қалай ауысқанын да жазған еді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: